Wi lesen Platt – well kann´t an besten?

(UP) All faaker hett de IGS Auerk de Plattdütsk Lesewetstried maakt. Nun, 2017, was dat weer sowiet. An Dönnerdaag, de 15.12.2016 hem 7 Kinner an de Wettstriet um Erholln van de Spraak deelnohmen. Bi een Koppke Tee un Wiehnachtsathmo gung dat all licht van de Tung.

Mit Texten van „Oma+Opa“, „de Muusen“, „Sünnerklaas“ un anner lüstige Geschichten hem de Schölers de Jury heel moi Saaken vördragen. Elkeen hett dorbi kloor un dütlich proot un dat was dorto ook noch smükelt.

Düsse jung Lüü dragen de Hopen, dat de Moderspraak Nedderdütsk, anerkannt dör de Europäische Charta, ook in Tokunft proot woord.

De Jury waas ook in düsse Johr weer mit good Lüü besett: Fr. Ahrends un Fr. Patron dorto noch Hr. Stroman un Hr. Uphoff. Un heel besünnern Dank geiht an Hannes Langer as Schöler ut 11 Johrgang.

In de Ollersgroup III. (5./6. Schooljohr) hem Marleen Janssen un Lea Dorenbusch, beid 6d wuun.

In de Ollersgroup IV. (7./8. Schooljohr) hem Gerke Gerken, 7d un Sebastian Haake, 7a wuun.

In de Ollersgroup V. (9.-13. Schooljohr) hett Hannes Langer, 11 Johrgang wuun.

Düsse 5 Gewinner düürn nu an de Kreisentscheed van Oll Kuntrei Auerk deelnehmen, de an de 17. Märt hier bi uns an IGS Auerk dörföhrt woord. Wi wünschken hör vööl Glück bit Lesen.

{gallery}artikel/2016/12-15-plattdeutsch_lesen,resize_images=1{/gallery}